是咁的，Nick Hirano先生昨夜留一帖，謙謙君子艾力力同謙謙淑女花家姐經包裝過，曾昨出友善回應。可惜，花家姐同歐陽炳強一樣，un住un住，不吐不快，以下係小女子內心真情讀白，血淋淋不經刪剪無格仔：
你條茂利我唔懷疑你係某台派嚟，希望你為你自己言論負責，香港就係因為你呢D少少錢洗死人既茂利存在，至會咁多怨氣，你攞你個良心出嚟同我十集重溫一次，感受下我地D心血，baba聲流到一地係呀茂利！你同我去揾個有咁多短劇、外景拍攝、嘉賓訪問既網台節目黎睇下！我碌爆人情咭訪問埋歐陽炳強，越洋採訪喺菲律賓坐冤獄多年叫天不應既囚犯，你都夠膽話我炒冷飯，你平時係咪日日山珍海味不知人間疾苦呀茂利！$33蝕住做都係為同D同道中人每周聚兩晚談情說案，有彈有讃各有所好無所謂，但無認真睇甚至無比錢只食免費餐然後亂咁啡，會嚴重影響我生意，喺呢個生死存亡之秋我唔可以再姑息任何踩場既茂利，我好少認同鄭老板，但佢果句「唔啱聽咪聽」呢分鐘真係好啱用！我阿媽近日提醒我「人善被人欺」，父母之言不敢不從，茂利最後要多謝你將我由離開D100之後谷埋果肚火一次過清出嚟，簡直係再世華陀。亦多謝你比機會我向未比$99既聽眾宣傳下我地節目賣點！最後最後，你句fxxk還返比你，任何侮辱我團隊既粗口一概不容於呢處，我想進步就梗，希望茂利你都一日千里，做人有gutsD，唔好post完嘢比我地個「鐡咀銅牙」奇案迷豹魁回幾句就龜縮搣post, 身正不怕影子斜，茂利憑良心再蒲頭講返D人話，我私人醒你永久榮譽會籍一個，bye~~花家姐
Search